Konsep Dagang Valas 2013

Met tahun baru ..hulu…mudahan di tahun hanyar ni perdagangan sasar babaik tarus…

Tahun hanyar konsep hanyar jua…

Bangaran ; palato ultra scalper , Samunyaan indikator nang dipakai ulahan urang, lain ulahan saurang, permisi wan nang ampunnya…..aku umpat maramu ja….kanapa jadi bangaran palato ultra scalper, karena konsepnya diadopsi matan FPS nang mamakai SEFC Palato khususnya SEFC  05 wan Ultra signal ulahan Ibu Rita Lasker urang Amerika, nang aku dapat matan forum jua pang, kada nukar alias gratis. Kalo handak langsung unduh di sini bisa jua…….

tf ; 1 menit ja…

konsep ;  Ultra scalper , maumpati kamana haraga bagarak

Long ; IF ALL GREEN

Short ; IF ALL RED

Exit ; RANGE AREA

SL ; 20 Pips haja jar….

Singhaja diulah simple ; CUMA TINGGAL MAUMPATI SINYAL-SINYAL INDIKATOR NANG ADA DI POJOK KIRI ATAS

ni penampakan nya;

palato ultra scalper

nb; kalo ada nang handak mancobai resep nang ini email aku ja.. insyaallah kena ku kirim indi wan templatnya.  hee…hee…

Iklan

Saandai nya…ini nyata…

Saandainya ini nyata, wuah….kadada kesah tupang.. Badagang sampai untung labih $ 8000, samalaman…kada sampai…tu..!

Pas, pasar lagi rami, habar-habar ikonomi banyak malam saptu tadi tu, lalu ai badagang rami jua …sayang masih demo..!!! sakali lagi : “Saandainya ini nyata… wuah… kadada kesah tupang….!!!”.

Ni, hasilnya…badagang duit di Marketiva:

Tapi aku yakin bisnis ini jadi nyata, nyata gasan aku, kaluargaku, jiran tatanggaku, wan siapa haja nang wajib ditulungi.

Ya, Allah pian haja lagi nang kawa manyatakan bisnis ini gasan ulun, Amiin..

Sudah Satahun,…

Satahun sudah tajalani aku balajar Trading ni, kalo di ibaratakan sakulah aku sudah tamat kelas enol kecil (TK), aku harus umpat ujian cagar naik ka kelas enol besar, aku harus naik wan rengking nang kada kalah wan urang. Caranya aku sudah tahu, aku harus mamantapakan cara balajarku dengan konsep nang jelas, sederhana wan taarah, gasan labih mangatahui kamana arah haraga pasar bagarak, dimana kira-kira haraga baparkir atawa batarus, wan lain-lainnya pangatahuan nang manunjang kasuksesanku bagawi di pasar valas. Gasan bagawi aku sudah manyusun konsep nang hanyar pulang, kada hanyar-hanyar banar pang, ni konsep lawas atawa jadul nang hanyar haja aku kawa marasaakan kanyamanannya bagawi dengan mamakai konsep nang ini.

Konsep ini gasan jual-beli harian. (Daily Trading/Intra Day), di pasangan duit EURO/USD.

Ni Gambar templat nya.

Kesahnya kaya ini :

Perhatiakan Heiken Ashy, Kalu putih haraga lagi naik, kalu habang haraga lagi turun, awal wan ahir trend di tandai dengan si heiken ini awaknya bahandap wan warnanya baubah, matan putih ka habang atawa matan habang ka putih.

Perhatiakan Fibo, dimana titik support wan resistan harga, support wan resistan haraga samalam bisa jadi acuan ukuran gasan pergerakan harga hari ini, parkir atawa tarus bagarak.

Perhatiakan Bolinger Band, Inya bisa maramalakan sampai di mana haraga bagarak dengan batas atas wan batas bawah, ingat kalu handak buka posisi usahakan posisi haraga sudah limpat dari garis tengah, posisi BUY di buka apabila haraga sudah ada di atas garis tengah BB wan posisi SELL dibuka kalu haraga sudah ada di bawah garis tengah BB. BB ini jua nang bisa jalas mamadahakan kalu haraga lagi Plat atawa turun naik di support wan resistan nang sama wan haraga sabalumnya.

Perhatiakan stochastic, pariksa samuaan TF utamanya TF H1, TF H4 wan D1 kalu-kalu ada nang Jenuh beli atawa jual.

Perhatiakan MACD, kalu garis-garis MACD ada di atas level 0 (nol) itu tandanya tren pasar lagi naik. Kaitu jua sabaliknya kalu garis-garis MACD ada di bawah level 0 (nol) itu tandanya tren pasar lagi turun.

Perhatiakan Spreed and Range, ingatakan biasanya haraga mantul di batas -batas sekitar 50 pips baik naik atawa turun, (kalu kada mantul, biasanya haraga batarus ka 100 pips, kalu kada mantul jua di 100 pips, biasanya inya batarus ka 150 pips, kaitu satarusnya).  Ingatakan Range harian nang Normal biasanya ada di antara 150 pips, kacuali ada kajadian nang luar biasa di Nagara-nagara Eropa atawa di Amerika.]

Perhatiakan Jam Market, karena biasanya pada awal-awal pasar buka akan terjadi perubahan arah trend.

Cara Buka Posisinya :

Sabanarnya banyak banar cara buka posisi, itu tergantung kita mamakai acuan indikator mana nang dipakai.

Ini caraku:

OP Sell, Kalu D1 atawa H4 atawa H1 sudah jenuh tukar ( ditandai dengan stochastic sudah ada di atas level 80, hadangi sampai inya bagarak ka level di bawah 80, biasanya ini waktu nang ideal gasan buka posisi sell, mun handak buka posisi lihati di TF halus M5 atawa M15, mun inya turun, jangan ragu buka Posisi Sell.
OP Buy, Sabaliknya dari rute OP Sell (ditandai dengan stochastic sudah jenuh Jual biasanya ada di bawah level 20, hadangi sampai inya bagarak ka level di atas 20, biasanya ini waktu nang bagus gasan buka posis Buy).

Indi-indi nang lain nang aku pasang tu, sebagai pelengkap penguat signal jar…

Siapa haja nang Parlu Templat wan Indi-indi nang aku pakai silakan ambil disini, mudahan baguna.

Bulan ka delapan

Bulan ka dalapan ni, aku masih balum mancapai hasil nang baik jua.
Aku umpat kontes Lucky Trader di Insta Forex, gasan manilai hasil balajar ku bavalasan, tarnyata aku masih balum kawa jua manjalanakan bisnis nang ini, rangking ku masih muchai, sampai hari terakhir masih duduk di rangking 905 matan 1114 ekong trader, tapi aku kada patah semangat aku harus balajar tarus supaya kawa mencapai hasil nang maksimal, aku sudah daftar pulang gasan kontes dua mingguan senen esok, masih di Lucky Trader Insta Forex.

Aku handak mamakai templat nang ini, ni gambarnya :

Ya, Allah kalau pian handak maubah nasib ulun, hanya dengan sabuah kata, sama kaya pian waktu maulah uluh hanya dengan sabuah kata,
Kun…(fa yakun). Bimbing langkah ulun dalam mambaiki nasib ulun, amiin.

Bulan ka ampat, masih Mucay….

Ini sudah bulan ka ampat aku bavalasan, tapi masih jua aku balum mandapatakan konsep trading nang pas wan gayaku, hari ini hari ahad, aku mancuba manyusun konsep nang hanyar, mudahan nang ini pas, kawa jadi baras gasan anak biniku.

Bismillahirrahmanirrahim,

Used margin : 20%.

Stop Loss : 30 pips.

Open Posisi : TF 15, di Crossing EMA 5 wan EMA 10 atawa di Crossing Stochastic.

OSC : Pake Stochastic ja, supaya nyaman dibacanya wan Crossingnya kawa jadi patokan Open Posisi jua.

Major Trend di TF 4 H.

Take Profit : di TF 15  atawa di TF 1 H gin kawa, dengan cara malihat Crossing Stochastic jua.

Jadi konsep nang hanyar ni aku hanya manggunaakan Stochastic, gasan Buka Posisi (OP), wan gasan Tutup Posisi (Take Profit), wan batas rugi 30 pips, wan Used Margin 20%.

(Tapi kamungkinan lain karana Konsepnya pang mucay ku ni, mungkin karana aku nang masih sambarangan, kadang emosi ku masih balum takontrol jua pang, nang pasti trading ku kada bisa mamasang Stop Loss).

Mudahan dengan konsep nang hanyar ni aku bisa konsisten, Amin….

Ni, gambarnya aku muat (konsep hanyar gasan minggu kaina, baisukan). Klik gambarnya supaya jadi jelas talihat.

Ayuu…sakulah…!!

Manggawi bisnis jual tukar valas ni ada cara wan ilmunya nang harus talabih dahulu dipalajari, nang paling utama dasar-dasar nya dahulu, kalu pengembangannya tu biasanya akan sajalan wan pangalaman sahari-hari waktu kita bagawi di pasar.

Dasar-dasar pangatahuan ini, panting banar gasan kita mamulai mamasuki pasar valas, kada kawa kita bagawi kalo kada tahu ilmunya sama sakali. Lagi

Ramadhan tinggal sahari…

Kada karasaan parjalanan si waktu, rasanya inya bajalan laju banar wahini, sahari ka sahari, saminggu ka saminggu, bulan ka bulan, tahun ka tahun hampir kada karasaan tupang, bujur kalu ujar guruku, waktu kita ni sudah dicapati-Nya, cuba rasakan bulan ramadhan tahun ini, mulai tanggal 1 ramadhan sampai tanggal …(kada mahitung nah..he..he…) poknga esok tinggal sahari lagi kita puasaan (adalah pian Gan, tarasai lapar wan haus ?, tahu-tahu sudah magrip ja, bukaan pulaaang…). Lagi

Previous Older Entries